Hoxe xoves, 29 de outubro, ás 18.00 horas, na Aula de Seminarios da Sede do iTERRA (Facultade de Veterinaria, Pavillón 4, andar 3) terá lugar unha nova edición do evento «Xoves de Ciencia e Cañas», organizado pola Asociación Agromar xunto coas investigadoras do Campus Terra Ana Fresno e Marta Prado.

O obxectivo deste evento é dar a coñecer, dun xeito ameno e distendido, a investigación que se está a desenvolver no campus, achegándoa a toda a comunidade universitaria. Preténdese así favorecer o intercambio de ideas, impulsar a colaboración interdisciplinar e crear un espazo de encontro que contribúa a coñecernos mellor e a fortalecer a vida académica e investigadora do noso campus.

Ver información do evento

Un saúdo,

Universidade de Santiago de Compostela

Secretaría de Decanato

Facultade de Veterinaria

27002 Lugo

Tfno.: 982 822 024