Recordatorio de cursos do Plan Formativo do Campus Terra 

Seminario «Non é maxia, é criterio: como usar a IA sen que te use a ti»

Obxecto: O seminario, coordinador por Paula Vázquez Rodríguez, ten como obxectivo específico introducir ao estudantado de primeiro curso da Facultade de Administración e Dirección de Empresas, no uso consciente, crítico e ético da intelixencia artificial no ámbito académico e profesional, amosándolles como pode ser unha ferramenta útil para mellorar a aprendizaxe, a produtividade e a comprensión de conceptos propios da ADE, sen substituír en ningún caso o seu propio razoamento.

Datas: 20 de outubro de 2026.

Horario: de 11:00 a 13:00 horas.

Lugar: Aula Magna da Facultade de Administración e Dirección de Empresas.

As persoas interesadas por inscribirse no seguinte formulario.

——————–

Curso «Retos do lobo en Galicia: a ciencia veterinaria ao servizo da convivencia»

Obxecto: Este curso tratará de aportar a formación básica necesaria para profesionais veterinarios/as con interese na atención clínica veterinaria da fauna silvestre, completando así o seu currículo. Con elo, darase unha visión xeral das funcións e actividade diaria do/da veterinario/a nos centros de recuperación de fauna e o seu papel na conservación da biodiversidade de grandes mamíferos silvestres de Galicia.

Datas: 20,21, 22, 26 e 27 de outubro de 2026 de 18:00 a 20:00 horas.

Horario: 18:00 a 20:00 horas.

Lugar: Aula Galeno da Facultade de Veterinaria do Campus Terra de Lugo.

As persoas interesadas poden inscribirse no seguinte formulario.

——————–

Seminario «A enxeñaría técnica industrial no sector lácteo»

Obxecto: Seminario impartido por profesionais expertos dirixido ao estudantado do Grao en Enxeñaría de Procesos Químicos Industriais e ao estudantado doutras titulacións afíns, co obxectivo de ofrecer unha visión das tarefas a desenvolver por estes profesionais en empresas relacionadas co sector lácteo.

Datas: 23 de outubro de 2026.

Horario: de 10:00 a 14:00 horas.

Lugar: Salón de Graos da Facultade de Ciencias do Campus Terra de Lugo.

As persoas interesadas poden inscribirse no seguinte formulario.

——————–

Curso «Cultura Ecuestre: Manexo Integral e Saúde do Cabalo»

Obxecto: Esta actividade formativa, coordinada por José Ángel Hernández Malagón, organízase co obxectivo de tender pontes entre a formación universitaria, a investigación veterinaria de vangarda e o tecido profesional e produtivo do sector ecuestre.

Datas: 27 outubro, 6, 12 y 13 de novembro de 2026.

Horario: 16:00 a 20:30 horas.

Lugar: Instituto de Biodiversidade Agraria e Desenvolvemento Rural (IBADER).

As persoas interesadas por inscribirse no seguinte formulario.

——————–

Seminario «Torre de Núñez: a construción dunha marca»

Obxecto: coloquio impartido por Inés Suárez de Lago, Directora de Marketing de Torre de Núñez, sobre aspectos relativos á evolución da empresa Torre de Núñez en materia de comunicación e marketing no sector alimentario.

Datas: 28 de outubro de 2026.

Horario: 13:00 – 15:00 horas.

Lugar: Salón de Graos da Facultade de Administración e Dirección de Empresas do Campus Terra de Lugo.

As persoas interesadas poden inscribirse no seguinte formulario.

——————–

Seminario «Minimelis: Lambetadas Funcionais con Impacto Social» 

Obxecto: Este seminario, impartido pola CEO de Minimelis, Mercedes Toscano Varela, amosará como a innovación no sector alimentario pode ir máis aló do produto e converterse nunha ferramenta de impacto social.

Datas: 5 de novembro de 2026.

Horario:  12:00 a 15:00 horas.

Lugar: Salón de Graos da Facultade de ADE do Campus Terra de Lugo.

As persoas interesadas poden inscribirse no seguinte formulario.