Dentro do plan de formación para o ano 2026, estase a seguir formando ao persoal veterinario que realice substitucións en matadoiros.

É por isto que, como anos anteriores, a través da EGAP (Escola Galega de Administración Pública) se convoca unha edición do curso Formación básica en inspección de matadoiros para persoal substituto.

Dito curso será o 20 de maio de 2026, en horario de mañá e tarde, na EGAP de Santiago de Compostela.

A convocatoria sae no DOG  18 de febreiro ( https://www.xunta.gal/dog/Publicados/2026/20260218/AnuncioO150-100226-0001_gl.pdf )

A data de inscrición para esta edición comeza o 19 de febreiro e remata o 25 de febreiro de 2026.

O número de prazas está limitado a 25 e código do curso é FC26136.

O programa é o seguinte:

1. Rexistros e seguimento da inspección en SEMAGA e consultas en VETMAGA (2,5 horas)
2. Inspección de ungulados (1,5 horas)
3. Técnica de detección de triquina (1 hora)
4. Actuacións específicas en matadoiros de aves e lagomorfos (2,5 horas)
5. Lesións anatomopatolóxicas máis frecuentes (2,5 horas)

Debido a que o obxectivo é formar de forma paulatina ao persoal veterinario que realicen substitucións, as condicións para inscribirse son:

• Veterinarios/as inscritos nas listas de vinculación temporal do Decreto 37/2006, que non estean en suspensión de chamamentos ou penalizados/as.
• Veterinarios/as que non realizaran ningunha das edicións anteriores do anos 2022, 2023, 2024 ou 2025
• Veterinarios/as con pouca experiencia na inspección de carnes nos establecementos de sacrificio.

En caso de cumprir cos requisitos anteriores, a orde de prioridade virá determinada pola orde de inscrición.